Blog Post


牆身插頭唔夠用? MOMAX排插幫到你
Oct 11, 2022
香港寸金尺土,除左傢俬搭配要絞盡腦汁,有時點樣安放電器都係一個問題!客廳擺電視、PS5,廚房一堆家用電器,房重要擺電腦擺mon,仲未計你啲手機平板要叉電!但係,每間房得果一兩個插頭,可以點分? 呢個時候當然係需要拖板啦!但係拖板選擇都唔可以馬虎架~除左要有多個插蘇位、有得直接用USB充電之外,安全都十分重要。最好就有埋獨立開關、防雷保護、防漏電等安全相關功能,咁就用得安心又放心啦! 講左咁多,係時候介紹今期MOMAX既最新產品:US系列排插啦!MOMAX最近推出左一系列既排插,無論係一開三、四、六甚至八個頭都有,但佈局緊湊,絕不浪費空間。最重要係全部都有20W輸出既USB-A同USB-C快速充電插口位,無論係平板、手機或者手提電腦,都可以即插即叉,唔需要用火牛轉插!另外亦有T字或者方形等節省空間既設計,無論你屋企係咩size,都梗有一隻岩使! 至於安全方面,MOMAX既拖板都有十分嚴格既要求,除左符合香港機電工程署既規格外,有防漏電、過壓及短路保護外,部分產品亦設有獨立開關及防雷保護,如果有電壓不穩既情況,會自動斷電,保護插係上面既電器。 除左有咁多功能之外,我地仲有灰、白、紫三種顏色,無論你既家具設計係點,都一定有隻襯曬你屋企!快啲黎買翻一兩隻啦!

旅行必須攜帶既旅行插座
Sep 23, 2022
我諗唔使我講,大家都好掛住可以去旅行既日子!而家周圍都終於陸續開關,越來越多人可以再度嘗試旅行既滋味,體驗新既事物。但係咁耐無去旅行,大家有無諗過會唔記得帶嘢搞到好頭痕呢?舉個例,如果去到酒店先發現帶錯萬能蘇,咁咪好大獲?!如果你成日周遊列國,一定有可能返到酒店,剿完成個袋先發現原來自己帶錯火牛,然後又要慌忙四處張羅!呢個時候,如果有一個全世界通行既萬能蘇就好喇...唔使驚!我而家就同你介紹吓Momax近日既誠意之作:1-World 3C2A 65W旅行充電器(UA8)!佢雖然好似一般萬能蘇咁小巧,但就功能多多。只要用手一滑側邊,佢既輸出就可以搖身一變,變成世界任何一個角落都可以使用既插蘇。而輸入方面,除左任何插頭都插得入之外,仲有5個USB輸入,2個USB-A加3個USB-C,其中一個USB-C輸入仲要有20W PD快充添!有左佢,就唔使再帶多餘既火牛,都可以輕鬆幫你啲行動裝置充電啦!既然咁方便,記得係買機票之後,就禁入呢度 買埋佢周圍去啦!而家用早鳥優惠購買,唔止慳錢,唔使帶咁多火牛仲慳返啲行李位添!

iPhone 14的最佳配件 - AirBox Go
Sep 07, 2022
每年蘋果發佈新產品都係全城熱話,當然今年都唔例外啦!想當年發佈第一代iPhone既時候,當時既劃時代性簡直係筆墨難以形容,隨後既iPhone版本每一代都有全新既功能,由相機去到retina display,再到加大屏幕尺寸,每次都可以吸引到一眾人即刻去蘋果官網搶購。至於今年既蘋果發佈會,睇黎就要大家拭目以待,睇吓蘋果今年有咩驚喜啦!不過隨著蘋果每年發佈新iPhone,之後仲有iPad、AirPods、Apple Watch,相信在座諸位都曾經面對過一個好現實既問題:Apple產品用既充電線真係有好多款呀!有時用lightning,iPad就USB-C,再配多個Apple Watch充電器,加加埋埋,要出街或者去旅行都真係勁擔心會關鍵時刻先巢唔到條要用既線!加上咁多條線係袋入面自動扭成一舊野,見到咁既情況,都即刻成頭煙...如果你有呢個問題,黎緊Momax推出既新產品AirBox Go絕對可以幫到你!佢除左可以一次滿足三個願望之餘,仲唔使用任何線材添!AirBox Go除左有10000 mAh容量既電池外,一部機就搭配左Apple Watch、MagSafe同AirPods專用既充電位,佢更加有Apple MagSafe同埋Made for Apple Watch既認證,就算一次過同時幫你全身既Apple產品充電,都十分安全而且快速。一般既無線充電行動電源為iPhone充電,iOS系統都會強制限制iPhone只可以7.5W既功率為手機充電。但AirBox Go既官方MagSafe部件就無呢個限制,可以用最高15W既功率全速為iPhone充電,充得快之餘,仲唔使周圍搵線添!咁樣無論係iPhone、AirPods定係Apple Watch突然無電都無有怕啦!如果你既iPad或者其他裝置無電,AirBox Go同樣幫到你!只要用佢既USB-C...